Kunaka
kweChibarabada kuri mukudhaka
Tinashe
Muchuri. (2015). Chibarabada. Harare: Bhabhu Books, 200pages.
Edited by Ignatius Mabasa.
Edited by Ignatius Mabasa.
Zvandakapiwa
Chibarabada naTinashe Muchuri musi watasangana paNational Gallery of Zimbabwe muHarare,
handina kumbofunga zvokuti chingandidhaka kusvika pakukanganwa bhachi rangu
pachiteshi chinokwirwa mabhazi ekuNorton.
Ini
ndini ndakakanganisa, kuita rudo neChibarabada ndisati ndasvika kurabu
kwandinogara. Chakanyanya kundikwezva moyo ibutiro racho raive
nemifanikisoyezviso zviviri. Zviso zvine meso makuru nemeno ari pachena.
Ndaive
nechidokwadokwa chokuda kuziva kuti zviso izvi ndezvanaani. Mushure mekuverenga
rungano urwu, ndakazoziva kuti zviso izvi ndezvevanhu vandakambosangana navo
vachikurukura nezveChibarabada.
Chibarabada
chacho chimbori chii? Chibarabada ndiwe neni. Chibarabada iguta risina magetsi,
chingwa nemvura yokunwa. Chibarabada mugwagwa uzere nemakomba. Chibarabada
inyika yemapenzi.
Chibarabada
inovhero rine manyorerwo akasiyana namamwe manovhero atajaira kuverenga. Pamwe
pacho rwungano rwacho rwunoita kunge bepanhau riri kutaura zviri kuitika, pamwe
pacho rwunoita kunge chikwangwani chinononngedzera vanhu kwachisingasviki,
pamwe pacho rwunomboita kunge izwi ragodobori.
Shingi
anotaura rwungano rwuno achisheedzera seanorova bembera, pamwe pacho
anozevezera achisekera muhapwa, pamwe pacho anoungudza matama ake azere
nemisodzi. Urwu rwungano rwunoyanika nyaya yokushungurudzwa kwadungamunhu,
mhuri nenyika nekuda kwemakaro.
Shingi
anokura achidya nokurasa. Hupenyu hwake hunotanga kushanduka musi unofa
vabereki vake netsaona yemumugwagwa. Babamunini vake Merinyo nemukadzi wavo Eve
vanomuonesa ndondo kusvika azonosarudza kugara kurabu reMosi. Ari ikoko anoona
huipi nehutsinye hwemhuka dzinorarama muguta reMosi.
Muchuri
anoshandisa chidavado chekuimba nziyo, nekutaura ngano mungano. Rwungano rwuno
rwunoita seChibarabada, rwunotutuma furo rwuchiserera, rwotutuma furo
rwuchigadzana, rwunotutuma zvakare rwuchiserera. Rwungano rwunoda kuverenga
uchizororera. Ukaverenga kamwe kamwe unoshaya kwarwakananga. Rwunomboita kunge
rwumbo rwejakwara, rwoita kunge tsamba yorudo, rwomboita kunge nduri
dzenhorimbo.
Rungano
rwuno harwudi kuverenga uri pako wega, rwunoda pane vanhu vazhinji pakaita
sopamusangano kana mubhazi. Harwudi kuverengwa mumwoyo, rwunoda uchisheedzera
semunhu asina hanya. Ukadaro harwukudhake seChibarabada.
+++naPhumulani Chipandambira, Norton, Zimbabwe,
February, 2019.
to buy/order Chibarabada: +263782883203
to buy/order Chibarabada: +263782883203
No comments:
Post a Comment